Супрацоўнікі літоўскага Дэпартамэнту дзяржаўнай бясьпекі і Службы расьсьледаваньня фінансавых злачынстваў яшчэ 17 сьнежня затрымалі грамадзян Літвы, Расеі і Беларусі, якіх падазраюць у сувязях з расейскай і беларускай ваеннай прамысловасьцю, паведамляе Delfi.
Паводле сьледзтва, праз кампаніі, зарэгістраваныя ў Літве, вырабляліся мікрасхемы, чыпы і навігацыйнае абсталяваньне, частка чаго магла незаконна экспартавацца ў РФ і Беларусь і выкарыстоўвацца ў ваенных мэтах.
Пры гэтым фірмы атрымлівалі фінансаваньне Эўразьвязу — больш за 447 тысяч эўра ўжо было выплачана ў рамках праекту, які каштуе агулам больш за 1 мільён эўра.
Праведзена больш за 10 ператрусаў у розных гарадах. Затрыманы шэсьць чалавек, адзін арыштаваны, двое іншаземцаў абвешчаны ў вышук. Дзейнасьць кампаній абмежавана. Расьсьледаваньне вядзецца сумесна з Эўрапейскай пракуратурай.
Форум